Një i ri është shpallur në kërkim nga policia e Tiranës, i akuzuar për djegien gjatë natës të dy makinave të xhaxhait të tij.
Shërbimet e Komisariatit të Policisë Nr. 6, pas marrjes së njoftimit se në rrugën “Hamdi Cenoimeri”, ishin djegur dy automjete të parkuara në oborrin e banesës së shtetasit G. Xh., 66 vjeç, kanë shkuar në vendngjarje, me qëllim kryerjen e veprimeve hetimore.
Nga veprimet e para hetimore është identifikuar autori i dyshuar, Marjus Xhepa, 30 vjeç, i cili dyshohet se për motive pronësie, ka djegur dy automjetet e xhaxhait të tij.
Aktualisht vijon puna për kapjen e 30-vjeçarit dhe për dokumentimin ligjor të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
