Drejtoria e Përgjithshme e Arkivave solli sot në vëmendje 25 prillin e vitit 1993, datë kur 30 vite më parë Papa Gjon Pali II vizitoi Shqipërinë.
“Ty o popull fisnik shqiptar, ta drejtoj përshëndetjen time të ngrohtë dhe të dashur!”
Kreu i Selisë së Shenjtë u ndal në Shkodër dhe në Tiranë.
Pas vizitës së tij, në hierarkinë e re të pasdiktaturës u vendosën katër ipeshkvij të rinj: Imzot Frano Ilia, Imzot Rrok Mirdita, Imzot Robert Ashta dhe Imzot Zef Simoni.
Polaku Karol Jozef Vojtila u zgjodh “Papë” në Vatikan më 16 tetor 1978.
Bashkëlidhur, DAP ka postuar një fotografi e Imzot Frano Iliajt në Vatikan me Papa Gjon Palin II dhe Mikel Brogën si dhe pjesë të fjalës së Papës Gjon Pali II në pritjen zyrtare në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
