Akset rrugore urbane e rurale për shkak të motit te keq me reshje shiu dhe dëbore në qarkun e Shkodrës, në disa raste kanë sjellë probleme në qarkullim.
Siç raporton për “MCN live”, korrespondentja nga Shkodra, Bendis Druni, akset Tamarë-Vermosh dhe Bogë-Theth janë të kalueshme vetëm me zinxhirë, por për momentin pa asnjë rrezikshmëri bllokimi të rrugëve malore.
Sa i përket reshjeve të dëborës, në zonat malore temperaturat shkojnë edhe deri në 0°C dhe në minus.
Sa i takon zonave malore ku ka pasur edhe reshje dëbore, di që në Qafë-Thjorë, reshjet vijojnë dhe ne pikën turistike të Thethit vijojnë të ketë reshje me intensitet të shtuar mbrëmjen e kaluar dhe sot paksa me qetë, Thethi është zbardhur tërësisht përveç Qafë-Thorës që konsiderohet edhe pika më e lartë e zonave malore.
Reshje ka pasur me intensitet edhe në zonën e Kelmendit, fshatrat Lepushë dhe Vërmosh, ku trashësia e borës ka shkuar deri ne 10-15 cm, akset rrugore janë të kalueshme.
Në informacionet jo të konfirmuara jo zyrtarisht, por nga banorët e zonës, merret vesh se ditën e djeshme për shkak të reshjeve intensive në Theth, janë detyruar që asksesimin dhe qarkullimin nga Thethi për te ardhur drejt Shkodrës apo vendeve te tjera të përshkojnë rrugën nga zona e Dukagjinit, për shkak të reshjeve të dëborës.
Policia Rrugore apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
