Një ngjarje e mundshme kriminale është parandaluar nga policia në Roskovec pasi dy persona ishin përfshirë në një konflikt mes tyre.
Në qytetin e Roskovecit, për shkak të një konflikti për motive të dobëta, shtetasi Bujar Hajdini, ka goditur me mjet të fortë shtetasin Vladimir Hoxha, i cili ka marrë armën e gjahut dhe është nisur për në banesën e shtetasit Bujar Hajdini, por ndërhyrja e patrullës së Policisë ka bërë të mundur parandalimin e një ngjarje të mundshme kriminale duke e kapur në kohë shtetasin Vladimir Hoxha bashkë me armën e gjahut (të cilën e kishte me leje).
Në vijim të veprimeve hetimore, specialistët për Hetimin e Krimeve në Komisariatin e Policisë Fier arrestuan për veprën penale "Plagosje e rëndë me dashje" shtetasin Bujar Hajdini, 55 vjeç, banues në Roskovec dhe proceduan penalisht për veprat penale "Plagosje e lehtë me dashje" dhe "Kanosje" shtetasin Vladimir Hoxha, 60 vjeç, banues në Roskovec (i cili ndodhet në spital nën kujdesin e mjekëve).
Materialet procedurale i kaluan Prokurorisë pranë Gjykatës së Shkallës së Parë Fier për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
