Peleshi pas takimit me komandantin e KFOR: Misioni, rëndësi të veçantë për ruajtjen e paqes dhe sigurisë në rajon

Ministri i Mbrojtjes, Niko Peleshi priti në takim Komandantin e KFOR-it, Gjeneralmajor Angelo Michele Ristuccia.

Me këtë rast u vlerësua lart misioni i KFOR-it në Kosovë, si e një rëndësie të veçantë për ruajtjen e paqes dhe sigurisë në rajon.

Sipas Peleshit, në takim u diskutua mbi bashkëpunimin dhe angazhimet e vendit tonë në kuadër të NATO-s apo nismave rajonale.

Misioni i KFOR në Kosovë ka rëndësi të veçantë për ruajtjen e paqes dhe sigurisë në rajonin tonë.

Me Komandantin e KFOR, Gjeneralmajor Angelo Michele Ristuccia për bashkëpunimin dhe angazhimet e vendit tonë në kuadër të NATO-s apo nismave rajonale, si aleatë të besueshëm dhe kontribuues aktivë.

Shqipëria mbështet rifillimin e dialogut Kosovë-Serbi dhe çdo përpjekje ndërkombëtare për marrëveshjen finale në normalizimin e raporteve, që duhet të mundësojë njohjen reciproke dhe anëtarësimin e Kosovës në OKB dhe BE.