Qytetarët dhe aktivistët e shoqërisë civile kanë ndryshuar strategjinë e tubimit të tyre këtë të enjte, duke zhvendosur protestën e 131-të kombëtare direkt përpara Parlamentit të Shqipërisë, në një kohë kur brenda sallës plenare po zhvillohen debate të ashpra për ndarjen e re administrative të vendit.
Ndryshe nga tubimet e mëparshme që tradicionalisht janë mbajtur përgjatë bulevardit kryesor pranë Kryeministrisë ose në sheshin “Skënderbej”, këtë herë protestuesit kanë zgjedhur të mblidhen përpara institucionit të legjislatibit.
Shkak është bërë pikërisht futja në rendin e ditës për votim e draftit të mazhorancës, i cili parashikon shkrirjen zyrtare të 15 bashkive ekzistuese dhe reduktimin e numrit total të tyre nga 61 në 46 njësi vendore.
Qytetarët dhe aktivistët e pranishëm e konsiderojnë këtë projektligj si një nismë të njëanshme që dëmton interesat e komuniteteve lokale, duke larguar institucionet e shërbimit bazë nga zonat rurale dhe ato më të largëta.
Ndërkohë që jashtë dëgjohen thirrjet dhe vërshëllimat e protestuesve, brenda në sallë deputetët e opozitës dhe të mazhorancës po vijojnë përplasjet e fundit me argumente përpara se t'i drejtohen kutive të votimit elektronik për hartën e re.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
