Komisariati i Policisë Nr. 4 në Tiranë ka finalizuar operacionin e koduar “Poseduesi”, në kuadër të goditjes së rasteve të armëmbajtjes pa leje.
Gjatë operacionit, në Rrugën e Dibrës, shërbimet e Policisë ndaluan një automjet që drejtohej nga shtetasi me iniciale R. T., 39 vjeç.
Gjatë kontrollit, në automjet u gjet një armë zjarri pistoletë, me krehër dhe fishekë, të cilën ai e posedonte pa leje.
Në përfundim të veprimeve procedurale, 39-vjeçari, banues në Tiranë, u arrestua në flagrancë për veprën penale “Prodhimi dhe mbajtja pa leje e armëve, armëve shpërthyese dhe municionit luftarak”.
Policia bëri me dije se arma e zjarrit, municioni dhe automjeti u sekuestruan në cilësinë e provës materiale.
Materialet procedurale i kaluan Prokurorisë së Tiranës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
