“Përsëritësi” u kodua një operacion i policisë së Tiranës gjatë të cilit u vu në pranga një person i cili vodhi në një makinë të parkuar një çantë brenda së cilës kishte shuma të mëdha parash në euro, dollarë dhe lekë.
Efektivët e komisariatit Nr. 4, pas marrjes së njoftimit se në automjetin e shtetases B.L., i parkuar në zonën e Medresesë, kishin vjedhur çantën brenda së cilës kishte një shumë të konsiderueshme parash, rreth 47 milionë lekë, një pjesë në euro dhe dollarë, kanë organizuar punën për identifikimin dhe kapjen e autorit.
Nga veprimet e shpejta hetimore u bë i mundur identifikimi dhe kapja e autorit të dyshuar G. T (M)., 46 vjeç, banues në Elbasan, i dënuar më parë disa herë për vjedhje.
Gjatë kontrollit të banesës së 46-vjeçarit, shërbimet e policisë kanë gjetur e sekuestruar shumën e parave që ky shtetas kishte vjedhur në automjetin e parkuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
