Mbetet në fuqi pezullimi nga detyra i numrit dy të OFL-së, Artan Shkëmbi.
Gjykata kundër Krimit të Organizuar dhe Korrupsionit ka lënë në fuqi masën e marrë pak ditë më parë.
Kjo u konfirmua nga avokati i Shkëmbit, i cili në përfundim të seancës u tha mediave se vendimi do të ankimohet.
Avokati Artan Broci tha se nuk ka asnjë provë që Shkëmbi ka qenë pronar i një telefoni që ka pasur platformën "cryptochat", përmes të cilët dyshohet se ka dekonspiruar operacione të OFL-së dhe ka nxjerrë sekretin hetimor të autoriteteve gjermane, të cilat i kanë kërkuar informacione mbi pasurinë e një grupi të fuqishëm kriminal në Shqipëri.
Artan Shkëmbi u shkarkua nga detyra në fillim të kësaj jave, me dyshimin për korrupsion dhe nxjerrje të sekretit hetimor.
Shkëmbi dyshohet se ka dekonspiruar operacionin e kryer nga OFL në Elbasan në shkurt të këtij viti, për të cilin ka vënë në dijeni familjen Çapja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
