Seksioni për Hetimin e Narkotikëve, nën drejtimin e Prokurorisë, në bashkëpunim me Komisariatin e Policisë Rinas dhe Filialin "Qendra Tranzite" të Postës Shqiptare, ka finalizuar operacionin e koduar "Pako 6", gjatë të cilit u arrestuan në flagrancë dy shtetas të mitur dhe shpallet në kërkim një tjetër person i përfshirë në trafikimin e 1 kg e 118 gramë kanabis Sativa me përqindje të lartë THC.
Dy 17-vjeçarët, të cilët u arrestuan menjëherë pas marrjes së një pakoje me lëndë narkotike në një degë postare në Vorë, ishin të përfshirë në trafikimin e kanabisit të importuar nga SHBA me qëllim shpërndarjen dhe shitjen në Shqipëri.
Gjithashtu, një tjetër person, i cili është i përfshirë në këtë aktivitet, është shpallur në kërkim, por identiteti i tij nuk publikohet për shkak të vazhdimit të hetimeve.
Punohet gjithashtu për identifikimin dhe kapjen e porositësve të lëndës narkotike dhe për plotësimin e hetimeve ligjore të ngjarjes.
Materialet procedurale i janë referuar Prokurorisë së Tiranës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
