Aksident i dyfishtë në aksin Bulqizë-Klos/ Humb jetën një person, plagosen shtatë të tjerë

Një aksident i rëndë rrugor është regjistruar në aksin Bulqizë–Klos, në vendin e quajtur “Plani i Bardhë”, ku janë përplasur dy automjete.

Sipas informacionit paraprak, në aksident janë përfshirë dy mjete që drejtoheshin nga shtetasit Xh. S. dhe S. C.

 Si pasojë e përplasjes, ka humbur jetën shtetasi Hali Gjashi, pasagjer në automjetin që drejtohej nga S. C.

Gjithashtu, për ndihmë mjekësore janë transportuar në spital dy drejtuesit e automjeteve dhe pesë pasagjerë të tjerë nga të dy makinat, të cilët ndodhen nën kujdesin e mjekëve.

Të plagosurit janë jashtë rreziku për jetën, tre po marrin ndihmë mjekësore në spitalin e Traumës dhe katër prej tyre në spitalin e Bulqizës. 

Sipas burimeve, të plagosurit kanë marrë plagë të lehta, jo kërcënuese për jetën.

Policia njofton se grupi hetimor ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.