Policia e Tiranës njofton se një 55-vjeçar ka rënë në prangat e policisë pasi akuzohet për veprën penale ‘Mashtrimi’ me pasoja të rënda.
Mësohet se Vasil Prifti, banues në kryeqytet dhe rezident në SHBA, është kapur nga policia në Rinas.
55-vjeçari ishte shpallur në kërkim pasi Gjykata e Tiranës e ka dënuar me 6 vite burg. Prifti ka shitur një apartament banimi duke përdorur një certifikatë të falsifikuar.
“Vijon puna për kapjen e personave në kërkim. Kapet dhe vihet në pranga një shtetas i shpallur në kërkim për veprën penale “Mashtrimi” me pasoja të rënda. Në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë policore, shërbimet e Seksionit për Hetimin e Krimit Ekonomik dhe Finaciar në DVP Tiranë, në bashkëpunim me Komisariatin e Policisë Rinas, në hyrje të Republikës së Shqipërisë, kanë bërë kapjen dhe ndalimin e shtetasit:
Vasil Prifti, 55 vjeç, banues në Tiranë dhe rezident në SHBA. Ky shtetas ishte shpallur në kërkim, pasi Gjykata e Rrethit Gjyqësor Tiranë e ka dënuar me 6 vite burg për veprën penale “Mashtrimi” me pasoja të rënda. Shtetasi Vasil Prifti, nëpërmjet mashtrimit, ka shitur një apartament banimi, duke përdorur një certifikatë të falsifikuar” , njofton policia
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
