Gjykata Evropiane e të Drejtave të Njeriut, e njohur ndryshe si Gjykata e Strasburgut ka gjobitur shtetin shqiptar me 25 mijë euro, lidhur me shkarkimin gjatë procesit të vetingut të prokurores Antoneta Sevdari.
Ishte prokurorja e shkarkuar ajo që e çoi vendimin në Strasburg në formë ankimimi dhe gjatë shqyrtimit të ankesës së saj, u gjetën shkelje proceduriale për shkarkimin.
Në vendim thuhet se shteti shqiptar do duhet ta dëmshpërblejë prokuroren e shkarkuar me 24 mijë e 600 euro.
Shkarkimi ndaj Sevdarit ndodhi nga Kolegji i Posaçëm i Apelimit më 28 shkurt, ku shkalla e dytë e vetingut i komunikoi shkarkimin.
Ndërkohë në shkallë të parë Komisioni i Pavarur i Kualifikimit, i kishte komunikuar konfirmimin në detyrë, vendim i cili më tej u çua në KPA nga Komisioneri Publik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
