Një 16-vjeçar ka humbur jetën në një aksident të rëndë rrugor, të ndodhur mbrëmjen e së enjtes.
Ngjarja ka ndodhur në aksin Levan-Tepelenë, në vendin e njohur si “Kthesa e Cakranit”.
Policia rrugore ndodhet në vendngjarje dhe po punon për sqarimin e plotë të rrethanave të aksidentit.
Sipas të dhënave paraprake, dyshohet se automjeti tip “Peugeot”, që drejtohej nga viktima, i ka prerë rrugën një automjeti tip “Benz”, duke shkaktuar një përplasje të fortë.
Fier/Informacion paraprak
Rreth orës 19:00, në aksin rrugor "Levan-Tepelenë", në fshatin Cakran, automjeti me drejtues shtetasin S. B., 30 vjeç, është përplasur me automjetin me drejtues shtetasin e mitur O. M, rreth 16 vjeç.
Si pasojë e përplasjes shtetasi O. M, ka ndërruar jetë gjatë transportit për në spital.
Grupi hetimor ndodhet në vendngjarje dhe po kryen veprimet për zbardhjen e rrethanave dhe shkakut të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
