Avokati Alban Duraj për miliona euro të pa mbledhura nga gjyqet e fituara nga Avokatura e Shtetit, thotë se është një mos veprim i patolerueshëm nga Avokatit të Shtetit.
Duke folur për emisionin “FactCheck” në MCN TV, ai deklaroi se Avokatura e Shtetit minimalisht është në kushtet e shpërdorimit të detyrës.
Gjyqet bëhen për tu ekzekutuar dhe për të shkuara haka te i zoti, por në një proces gjyqësor mund të dalë një i fituar dhe një i humbur. Këto para mund të shërbenin për të shlyer debitë që ka shteti shqiptarë ndaj qytetarëve apo atyre që kanë fituar gjyqet.
Qëllimin e vërtetë të mos ekzekutimit e dinë ata. Në raportin e Kontrollit të Lartë të Shtetit i bie që shteti shqiptar të paguajë një kamatë prej 5% dhe kjo rëndon buxhetin e shtetit.
Kjo është bërë për qëllime korruptive të Avokatit të Shtetit, për shkak të paaftësisë apo një neglizhence që mund të vijë për arsye të ndryshme.
Jemi në kufijtë e të paktën një vepre penale, shpërdorimi i detyrës, mos ushtrimi i funksionit publik. Minimalisht jemi përballë shpërdorimit të detyrës dhe përgjegjësi kryesor është Avokati i Shtetit.
Zvarritja vjen prej korrupsionit por edhe prej moskoordinimit mes institucioneve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
