Aksidenti me një të vdekur/ “Audi” ishte vjedhur në Laç, brenda saj kishte maska e doreza

Automjeti me të cilin po udhëtonte 26-vjeçari që humbi jetën këtë të hënë në aksin Fushë Krujë-Kurbin ishte vjedhur në Laç para disa ditësh.

Gjatë kontrollit të ushtruar, brenda mjetit u gjetën dy palë targa, maska dhe doreza.

Makina tip “Audi” ka humbur kontrollin duke u përplasur me bordurën anësore të rrugës rreth ores 06:30.

Policia raporton se një mjet tip Audi ka humbur kontrollin dhe për pasojë në afërsi të Borizanës është përplasur me bordurën anësore të rrugës. Nga përplasja e fuqishme ka ndërruar jetë 26 vjeçari, ende i paidentifikuar, që ishte pasagjer në mjet, ndërsa shoferi ndodhet në spital.
Njoftimi

Më datë 07.10.2020, rreth orës 06:30, në rrugën Fushë Krujë-Kurbin, në Borizanë, mjeti tip “Audi”, ka humbur kontrollin duke u përplasur me bordurën anësore të rrugës, e për pasojë ka ndërruar jetë pasagjeri në mjet rreth 26 vjeç, ndërsa drejtuesi i mjetit është dërguar në spital nën kujdesin e mjekëve.

Grupi hetimor ndodhet në vendngjarje dhe po punon për zbardhjen e ngjarjes.