Studentët vijojnë edhe sot protestën para Ministrisë së Arsimit dhe para Kryeministrisë.
Të organizuar përmes rrjeteve sociale, ata u nisën nga fakultetet e tyre, për t’u mbledhur në Rrugën e Durrësit, para ndërtesës së Ministrisë së Arsimit, ku kanë protestuar prej më shumë se një jave.
Një grup tjetër po e zhvillon protestën para Kryeministrisë.
Një grup studentësh e kanë kaluar natën para Kryeministrisë, pas ndarjes në tre grupe pasditen e së martës.
Ora 16:00 e ditës së djeshme shënoi skadimin e afatit të lënë nga studentët për qeverinë lidhur me plotësimin e kërkesave që ata kanë paraqitur.
Kryeministri Rama është shprehur i gatshëm për t’u ulur me ta në një tryezë dialogu, por studentët ngulin këmbë se nuk do të nisin asnjë dialog pa plotësimin e tetë kërkesave që i kanë parashtruar qeverisë.
Pasditen e djeshme, ata u ndanë në tre grupe dhe e vijuan protestën të ndarë në tre grupe edhe për disa orë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
