Gjendet i pajetë trupi i 17-vjeçarit Matias Rizallari. I riu rezultonte i zhukur prej katër ditësh.
Trupi i tij është gjetur në mëngjes pranë Urës së Dragotit në Këlcyrë. Dyshohet se mesditën e së dielës 17-vjeçari është mbytur në lumin Vjosë, në grykën e Këlcyrës.
Paraprakisht dyshohet se i riu ka tentuar të lahet në lumë dhe më pas është mbytur. Prej 4 ditësh policia kishte përqëndruar kërkimet në lumin Vjosa.
Ndërkaq, familjarët e tij dyshojnë se 17-vjeçari mund të jetë vrarë nga shoku i tij. Madje i ati, Arjan Rizallari ka denoncuar në polici duke akuzura 25-vjeçarin Egliter Dosti. Policia ka shoqëruar të riun dhe po e merr në pyetje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
