Policia e Kosovës ka realizuar sot tri operacione lidhur me sulmin terrorist të Banjskës të 24 shtatorit.
Një gjë të tillë e ka konfirmuar për mediat në Kosovë, zëvendësdrejtori i Policisë së Kosovës, Veton Elshani.
Elshani ka theksuar se bastisjet kanë përfunduar pa asnjë incident, derisa nuk ka treguar se çfarë kanë arritur të konfiskojnë nga vendi i ngjarjes.
Janë kryer tri bastisje në territorin e Mitrovicës së Veriut dhe Zveçanit lidhur me ngjarjet në Banjë. Asnjë arrestim nuk është bërë.
Por, sipas medium serb Kossev, organet e rendit kanë bastisur një banesë të një ish-pjesëtari të Policisë së Kosovës të nacionalitetit serb.
Ndryshe përgjatë mbrëmjes së të martës, PK-ja ka realizuar një operacion në një depo në Leposaviq nën dyshimin se ka armatim atje.
Përgjatë operacionit, janë sekuestruar tri vetura komunale të Leposaviqit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
