Një ngjarje e rëndë është regjistruar në zonën bregdetare të Palasës, ku një turiste gjermane është viktimë e një vjedhjeje në vilën që kishte marrë me qira gjatë pushimeve në Dhërmi.
Sipas Policisë së Vlorës, 39-vjeçarja R. S., banuese në Gjermani, ka kallëzuar se i është vjedhur një shumë parash në vilën ku po qëndronte për pushime.
Ngjarja ka ndodhur në fshatin Palasë, pjesë e zonës turistike të Dhërmiut.
Policia njoftoi se specialistët për Hetimin e Krimeve në Stacionin e Policisë Dhërmi kanë referuar materialet në Prokurorinë pranë Gjykatës së Rrethit Gjyqësor Vlorë, për veprën penale të "vjedhjes".
Hetimet për zbardhjen e ngjarjes dhe identifikimin e autorit janë në vijim.
Shuma e vjedhur nuk është bërë publike, ndërsa organet e drejtësisë po ndjekin më tej procedurat për hetimin e rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
