Një aksident i rëndë ka ndodhur mbrëmjen e sotme në Tiranë, ku një këmbësor është përplasur për vdekje nga një makinë tip “Audi”.
Sipas informacioneve paraprake, ngjarja ka ndodhur në zonën e “stacionit të trenit”, ndërsa drejtuesi i mjetit sipas dëshmitarëve, është larguar nga vendngjarja.
Aty kanë shkuar forcat e policisë, ndërsa kanë nisur hetimet për zbardhjen e shkaqeve të aksidentit si dhe identifikimin e shoferit që u përfshi në ngjarje.
Njoftimi i policisë:
Më datë 28.04.2022, rreth orës 20:10, te Stacioni i Trenit, një mjet tip "Audi" me drejtues ende të paidentifikuar, ka përplasur motomjetin me drejtues shtetasin L. K., 73 vjeç, i cili si pasojë e aksidentit është dëmtuar dhe ka ndërruar jetë në spital.
Drejtuesi i mjetit është larguar nga vendi i ngjarjes.
Grupi hetimor po punon për identifikimin e drejtuesit të mjetit dhe sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
