Policia e Tiranës ka bërë të ditur se nga Komisariatet e Policisë Nr. 2 dhe Nr. 4, janë goditur gjashtë raste të organizimit të lotarive të palejuara, nëpërmjet aparateve celulare.
Në vijim të veprimeve u arrestuan në flagrancë shtetasit: G. Sh., 19 vjeç, E. A., 36 vjeç, E. I., 33 vjeç, A. Gj., 18 vjeç, I. N., 50 vjeç dhe S. Sh., 57 vjeç, banues në Tiranë.
Aparatet celulare që këta shtetas përdornin për vënien e basteve sportive, u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
