Pronari i një dyqani artikujsh ushqimorë në fshatin Mborje të Korçës është gjetur i pajetë mëngjesin e sotëm jashtë ambientit të biznesit të tij. Viktima është shtetasi Flamur Duçi rreth 45 vjeç.
Flamur Duci 45 vjeç banor i këtij fshati i divorcuar pak vite më parë sipas policisë është sulmuar të paktën nga dy persona me mjet prerës në pjesët jetësore të trupit.
Nga goditjet e shumta 45-vjeçari ka gjetur vdekjen poshtë shkallëve të biznesit të tij.
"Më datë 19.12.2019, rreth orës 07.15, jemi njoftuar se në fshatin Mborje, pranë lokalit të tij është gjetur i pajetë nga bashkëfshatarët, shtetasi F.D., rreth 45 vjeç" njofton policia.
Dyshohet se 45-vjeçari është vrarë me mjete prerës mëngjesin e sotëm teksa ka shkuar të hapë dyqanin dhe i është bërë pritë duke e masakruar me thikë.
Grupi hetimor ka mbërritur menjëherë në vendngjarje dhe po punon për zbardhjen e ngjarjes.
Deri tani policia ka shoqëruar disa persona përfshi edhe familjarë të ish-bashkëshortes së viktimës, edhe për arsye se pista kryesore e kësaj vrasjeje dyshohet të jetë ajo e një konflikti me familjarët e ish gruas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
