Dy persona janë vënë në pranga nga Policia e Gjirokastrës, nën akuzë për “dhënie ndihmë për kalim të paligjshëm të kufirit”, shtetasve që vijnë nga vendet e treta.
Ata u kapën duke transportuar 3 emigrantë të paligjshëm, kundrejt fitimit. Gjatë operacionit, policia njoftoi se ka sekuestruar një automjet dhe tre aparate celularë.
“Specialistët e Seksionit për Hetimin e Trafiqeve në DVP Gjirokastër, në bashkëpunim me Policinë Kufitare dhe shërbimet e FRONTEX-it, në bazë të informacioneve të siguruara në rrugë operative, arrestuan në flagrancë shtetasit J. Z., 31 vjeç dhe A. M., 42 vjeç, banues në Tiranë”, njoftoi policia.
Arrestimi i këtyre shtetasve u bë pasi, në afërsi të fshatit Jorgucat, u kapën duke transportuar me automjetin tip “Lancia”, 3 emigrantë të paligjshëm, në drejtim të Tiranës, kundrejt fitimit. Në cilësinë e provës materiale u sekuestrua automjeti dhe tre aparate celularë. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
