Një punonjës i Shërbimit Informativ Shtetëror është kërcënuar me jetën e tij, pasi atij i janë lënë në derën e banesës së tij një qese e tejdukshme me 7 fishekë,.
Burime nga policia thanë se ngjarja ka ndodhur në rrugën ‘Jordan Misja’ në banesën e oficerit me inicialet Sh. N., 47 vjeç.
Sipas burimeve, në pragun e derës së apartamentit të 47-vjeçarit, me detyrë specialist i SHISH është gjetur një qese e tejdukshme, ku brenda të cilës kishte 7 fishekë, që ishin lënë aty në formë kërcënimi.
Nuk dihet ende simbolika e numrit të fishekëve, por ata janë sekuestruar në cilësinë e provës materiale.
Burimet policore thanë se, janë duke punuar për identifikimin dhe kapjen e autorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
