Durrës/ Qëllohet me armë zjarri pranë gjykatës 43-vjeçari

Një 43-vjeçar është plagosur me armë zjarri sot në Durrës. Ngjarja ka ndodhur ndërkohë që personi në fjalë po ecte në këmbë, në afërsi të gjykatës.

Mësohet se 43-vjeçari ka marrë plagë në këmbë dhe ndodhet jashtë rrezikut për jetën. Dyshohet se plagosja ka ndodhur për motive të dobëta.

Ndërkaq, është identifikuar dhe shpallur në kërkim autori i ngjarjes.

NJOFTIM 

Plagosi me armë zjarri një shtetas, për motive të dobëta, identifikohet dhe shpallet në kërkim 35-vjeçari.

Vijon puna intensive për kapjen e tij. 

Rreth orës 10:00, në lagjen nr.8 Durrës, gjatë një konflikti të çastit për motive të dobta, është plagosur me armë zjarri, në këmbë, shtetasi A. S., 43 vjeç, i cili ndodhet nën kujdesin e mjekëve, jashtë rrezikut për jetën.   

Reagimi i menjëhershëm i Policisë bëri të mundur identifikimin e autorit, shtetasit A. Z., 35 vjeç, i cili pas plagosjes është larguar nga vendngjarja. Vijon krehja e zonës, për kapjen e tij.   

Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes.