Gjykata e Korçës liroi dy vajzat e reja të cilat u arrestuan tre ditë më parë nga policia e Korçës me akuzën e pornografisë me të mitur pasi ato dyshohet se përmes një faqeje në Instagrami kanë publikuar mesazhe me përmbajtje shantazhuese dhe video e foto me përmbajtje pornografike.
Prokuroria e Korçës kërkoi për të dyja vajzat masën e “arrestit në shtëpi” deri në përfundim të hetimeve ndërkohë që masa ka caktuar masa më të buta se ato që kërkoi prokuroria për P.M., dhe E.P.
Gjykata vendosi detyrim paraqitje për 19-vjeçaren P.M., dhe mbikëqyrje nga prindërit për të miturën 17-vjeçare E.P.
Seanca ka zgjatur gati 2 orë e 30 minuta. Në seancë dy avokatët kërkuan masë më të butë sigurie se ajo që kërkoi prokuroria ndërkohë që hetimet do të vazhdojnë për të provuar përgjegjësinë e vajzave dhe të rinjve të tjerë të përfshirë në këtë ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
