Policia e Krujës ka arrestuar në flagrancë tre të rinj, për veprën penale "Kultivim i bimëve narkotike".
Mësohet se me anë të dy dronëve, 50 policë kanë zbuluar tre ambiente ku dy nga të rinjtë kultivonin kanabis.
Gjithashtu, është zbuluar në Kameras një 31- vjeçar që kultivonte kanabis në oborrin e shtëpisë.
Njoftimi i policisë:
Vijon kontrolli masiv i territorit, për parandalimin, evidentimin dhe goditjen e veprimtarisë kriminale në fushën e narkotikëve.
Arrestohen në flagrancë 3 shtetas, për veprën penale "Kultivim i bimëve narkotike".
Gjatë kontrollit janë angazhuar 50 forca policie dhe 2 dronë.
Shërbimet e Komisariatit të Policisë Krujë, në vijim të kontrollit masiv të territorit, për parandalimin dhe goditjen e kultivimit të bimëve narkotike dhe kapjen e personave përgjegjës, arrestuan në flagrancë shtetasit:
B. Z., 26 vjeç dhe S. Z., 21 vjeç, banues në Thumanë, Krujë, pasi gjatë kontrollit në afërsi të banesave të këtyre shtetasve janë konstatuar 3 ambiente ku ishin kultivuar bimë narkotike cannabis sativa.
Gjithashtu u arrestua shtetasi R. B., 31 vjeç, banues në fshatin Kameras, Krujë, pasi gjatë kontrollit në oborrin e banesës së tij u gjetën të kultivuara disa bimë narkotike cannabis sativa.
Materialet i kaluan Prokurorisë së Rrethit Gjyqësor Krujë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
