Ish-kryeparlamentari dhe ish-kryetari i Partisë Demokratike të Kosovës, Kadri Veseli është duke qëndruar në Kosovë.
Veseli erdhi dje nga Haga ku po mbahej në paraburgim si i dyshuar për krime lufte, pasi gjendja shëndetësore e babait të tij është e rëndë.
Mediat në Kosovë raportojnë se ish-kryetari i PDK-së do të qëndrojë për tri ditë në Kosovë.
Pas tri ditësh, Veseli do të rikthehet përsëri në Hagë.
EULEX dhe Policia e Kosovës janë duke i asistuar zyrtarët e Dhomave të Gjykatës Speciale, të cilët po e shoqërojnë Veselin në çdo moment të lëvizjës së tij.
Angela Griep, zëdhënëse e Dhomave të Specializuara ka konfirmuar se Veseli është liruar për arsye familjare, por ka thënë se ai mbetet në paraburgim.
“Për arsye personale Gjyqtari i Procedurës Paraprake ka udhëzuar zyrën e regjistrimit të menaxhojë një vizitë kujdestare për [Kadri Veselin] në Kosovë për të takuar familjen e ngushtë. I akuzuari mbetet në paraburgim. EULEX dhe Policia e Kosovës po mbështesin Dhomat e Specializuar në këtë vizitë”, ka deklaruar Griep.
Ndryshe, gjendja shëndetësore e babait të ish-kryetarit të PDK-së, Kadri Veselit, për çka ka ardhur në Kosovë, është e rëndë, kanë bërë të ditur nga Spitali i Mitrovicës. Ai po trajtohet në Repartin e Neurologjisë në Spitali “Dr.Sami Haxhibeqiri”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
