Një person është vënë në prangat e policisë së Elbasanit dhe një tjetër është shpallur në kërkim, pas dëmtimit të rojës së këndit të lojërave.
Specialistët për Hetimin e Krimeve të Komisariatit të Komisariatit të Policisë Elbasan arrestuan në flagrancë shtetasin K. P., 33 vjeç, banues në Elbasan, me detyrë menaxher i këndit të lojërave të qytetit të Elbasanit.
Ndërkohë u shpall në kërkim shtetasi F. L., 61 vjeç, pronar i këtij këndi lojërash, pasi dyshohet se është dëmtuar në njërën nga pajisjet e këtij biznesi, jashtë rrezikut për jetën, roja i këtij ambienti, shtetasi L. X., 44 vjeç.
Nga verifikimet rezultoi gjithashtu se 44-vjeçari punonte në këtë biznes, i pasiguruar.
Aktualisht vijon puna për kapjen e 61-vjeçarit, ndërsa materialet procedurale i kaluan Prokurorisë, për veprat penale “Shkelja e rregullave të mbrojtjes në punë”, “Fshehja e të ardhurave” dhe “Mospagimi i taksave dhe tatimeve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
