Një bandë që merrej me trafik të lëndëve narkotike është goditur nga autoritetet italiane, duke vënë në pranga 20 persona, mes të cilëve edhe shtetas shqiptarë. Në operacion morën pjesë 150 efektivë policie, të mbështetur nga forca të reparteve speciale, njësitë antidrogë, anti-eksploziv dhe helikopterë.
Sipas mediave italiane, grupi kriminal operonte në bare, dyqane frutash dhe perimesh, shitës makinash, salla bastesh, etj. Nga hetimet e prokurorisë është zbuluar se banda shqiptaro-italiane vepronte me bekimin e “Ndrangheta”-s.
Nga operacioni janë sekuestruar sasi lënde narkotike, por edhe prova të tjera për të çuar përpara drejtësisë personat e përfshirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
