Këshilli i Ministrave ka marrë vendimin për të shkarkuar nga detyra drejtorin e Përgjithshëm të Autoriteti Kombëtar të Ushqimit, Bledar Skënderi.
Vendin e tij do e zërë Jeta Deda, e cila u emërua në detyrë gjatë kësaj dite.
“Në mbështetje të nenit 100 të Kushtetutës dhe të pikës 1, të nenit 65, të ligjit nr.9863, datë 28.1.2008, “Për ushqimin”, të ndryshuar, me propozimin e ministrit të Bujqësisë dhe Zhvillimit Rural, Këshilli i Ministrave vendosi lirimin dhe emërimin e drejtorit të Përgjithshëm të AKU-së”.
Ish-anëtari i KQZ-së Skënderi u emërua në tetor 2020 si drejtor i Agjencisë Kombëtare të Ushqimit (AKU).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
