Ka ndërruar jetë në Spitalin e Traumës në Tiranë 71-vjeçari Preng Gjoka, i cili mbeti i plagosur rëndë në një aksident rrugor të ndodhur mëngjesin e 4 korrikut në aksin Lezhë–Milot.
Ngjarja u regjistrua pranë kryqëzimit të Rriles, ku 71-vjeçari, i cili lëvizte me biçikletë, u përplas nga një automjet tip “Benz” me targa të Kosovës.
Për shkak të goditjes së fortë, Gjoka pësoi dëmtime të rënda trupore. Fillimisht ai u dërgua në Spitalin Rajonal të Lezhës, ku mori ndihmën e parë mjekësore, ndërsa më pas u transportua me urgjencë drejt Spitalit të Traumës në Tiranë për trajtim të specializuar.
Pavarësisht ndërhyrjes së mjekëve, 71-vjeçari nuk mundi t’u mbijetonte plagëve dhe humbi jetën pas disa javësh qëndrimi në spital.
Pas aksidentit, drejtuesi i automjetit u shoqërua nga Policia dhe u ndalua, ndërsa vijojnë hetimet për zbardhjen e plotë të rrethanave të ngjarjes dhe përcaktimin e përgjegjësive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
