Një person në Elbasan i ka dhënë fund jetës në mënyrë tragjike duke u hedhur nga pallati ku banonte.
Ngjarja e rëndë është regjistruar paraditen e kësaj të shtune rreth orës 10:40, në lagjen "Visarion Xhuvani", ku shtetasi A.Sh., 64 vjeç, banues në Elbasan, është vetëhedhur nga tarraca e pallatit ku banonte.
Sipas burimeve policore bëhet me dije se 64-vjeçari vuante nga probleme të shëndetit mendor.
Menjëherë pas aktit të rëndë ai është dërguar me urgjencë në spital ku edhe ka ndërruar jetë si pasojë e plagëve të marra.
Grupi hetimor po punon për dokumentimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
