Gjykata e Tiranës ka lënë në arrest me burg vetëm efektivin e patrullës së përgjithshme pranë Komisariatit 1 në kryeqytet, Durim Murja, ndërsa në arrest shtëpie është lënë Jashar Shehu dhe Arjan Balla, të dy efektivë të patrullës në të njëjtin komisariat.
Ndërsa për Shefin e Komisariatit të Korçës, Krenar Gjokutaj, gjykata caktoi masën e sigurisë “detyrim paraqitje”.
Ndërkohë ndaj Matilda Hamollari, Petro Fraholli, Genci Hysi, Çlirim Akrobati, Kamber Kllogjeri dhe Klemend Pikuli, ky i fundit shef qarkullimi në Policinë e Korçës, u dha “pezullim nga detyra”, dhe “detyrim për tu paraqitur në policinë gjyqësore”.
Sipas prokurorisë, për zyrtarët e policisë janë administruar prova dhe fakte të cilat i implikojnë në veprimtari të kundraligjshme gjatë përmbushjes së detyrave funksionale.
Konkretisht, këta punonjës policie, me veprimet dhe mosveprimet e tyre, në kohë dhe episode të ndryshme, dhe në bashkëpunim me njëri-tjetrin, kanë shfrytëzuar aksesin në sistemet dhe regjistrat e Policisë për sigurimin e të dhënave personale të shtetasve pa autorizim.
Gjithashtu, ata dyshohet se kanë lejuar dhe favorizuar persona të ndryshëm, në disa raste duke raportuar të dhëna të pavërteta, për mosndëshkimin e tyre me masat administrative përkatëse sipas Kodit Rrugor dhe Aktit Normativ për masat anticovid.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
