Burrat dhunues do të dëbohen menjëherë nga banesa duke filluar që nga data 18 nëntor 2020. Ndryshimet e fundit ligjore, të miratuara nga Parlamenti në datën 15 tetor 2020, janë botuar në Fletoren Zyrtare.
Ato parashikojnë largimin e menjëhershëm të dhunuesit nga banesa, një vendim që e merr gjykata pas ankesës së palës paditëse. Përjashtim bëjnë vetëm rastet kur dhunesi është i mitur, i moshuar apo person me aftësi të kufizuara, nevoja që gjykata i merr në konsideratë në varësi të rastit.
Ndryshimet në ligj parashikojnë edhe angazhimin e detyrueshëm të burrit/ prindit dhunues në programe rehabilitimi psiko-social dhe të aftësimit prindëror. Në lidhje me ecurinë e tyre në këto programe, përgjegjësit raportojnë te koordinatori vendor.
Qeveria do të bashkëpunojë me bashkitë për të siguruar strehë për burrat dhunues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
