Policia e Korçës vijon të godasë rastet e transportit të emigrantëve të paligjshëm në vendin tonë. Një 20-vjeçar është arrestuar në flagrancë, teksa transportonte 12 emigrantë të paligjshëm. I riu me iniciale A.K. është ndaluar nga autoritetet në aksin rrugor Korçë-Pogradec pranë fshatit Buçimas.
Ai po udhëtonte me mjetin fuoristradë tip "Porsche" me 12 emigrantë të paligjshëm ku në këmbim të shumës 1000 euro u kishte premtuar atyre kalimin drejt vendeve të BE-së.
“Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec, në vijim të operacionit policor "Perimetri", kanë goditur një tjetër rast të aktivitetit kriminal në fushën e dhënies ndihmë shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit A. K., 20 vjeç, banues në Tiranë”, njofton policia. Materialet i kaluan Prokurorisë së Rrethit Gjyqësor Pogradec, për veprën penale "Ndihma për kalim të paligjshëm të kufijve” kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
