Një person ka mbërritur në gjendje të plagosur në Spitalin Rajonal të Shkodrës mbrëmjen e së martës. Sipas informacioneve, mësohet se i plagosuri është shtetasu Pjetër Kola, nga fshati Ungrej i Lezhës. Fillimisht ai është paraqitur në qendrën shëndetësore në Vau Dejës, bashkë me dy persona ende të paidentifikuar.
Më pas, nga aty është transportuar në spitalin e Shkodrës për mjekim më të specializuar dhe ndodhet jashtë rrezikut për jetën. Është ende e paqartë se cili është vendi ku është plagosur shtetasi Pjeter Kola, në zonën e Vau Dejësit apo në ndonjë zonë tjetër.
Dy personat ende të paidentifikuar, mësohet se janë larguar sapo e kanë lënë të plagosurin në urgjencën e Vaut të Dejës. Policia e Lezhës, ajo e Vau Dejësit dhe Policia e Shkodrës kanë nisur hetimet për zbardhjen e plotë të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
