Një ngjarje e rëndë ka ndodhur mbrëmjen e së hënës në zonën e “Unazës së Re” në Tiranë, ku një çift bashkëshortësh kanë mbetur të plagosur pasi ashensori i pallatit ku ata ndodheshin, është shpëkutur nga kati i pestë në katin zero.
Sipas policisë, ngjarja ka ndodhur në një pallat në rrugën “Aleksandri i Madh”, ndërsa ashensori dyshohet se ka pësuar defekt. Në ndihmë të dy të plagosurve kanë shkuar forcat zjarrëfikëse, policia dhe ambulanca, ndërsa janë transportuar në spital dhe ndodhen nën kujdesin e mjekëve.
Njoftimi i policisë:
Më datë 06.02.2023, në Unazë të Re, në rrugën "Aleksandri i Madh", ka pësuar defekt ashensori i një pallati dhe ka rënë nga kati i pestë në katin zero. Në të ndodheshin shtetasi S. K., 56 vjeç, dhe shtetasja S. K., 55 vjeçe (çift bashkëshortësh).
Në ndihmë të tyre kanë vajtur shërbimet e Policisë, shërbimet e zjarrfikëses dhe të ambulancës.
Si pasojë, shtetasit e lartpërmendur janë dëmtuar dhe ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
