Një zjarr ka rënë pasditen e sotme në një anije që po ngarkohej me skrap në Portin e Shëngjinit.
Flakët dyshohet se janë shkaktuar nga një bombol e vogël që mund të ketë pasur sasi gazi brenda dhe që ka marrë flakë si pasojë e shkëndijave të krijuara gjatë ngarkimit të metaleve.
Falë angazhimit në kohë rekord të të gjitha strukturave zjarrfikëse të portit, shërbimeve të sigurisë, shërbimeve dispeçere dhe punonjësve të shërbimeve portuale, u bë e mundur shuarja e plotë e zjarrit.
Drejtori i Portit të Shëngjinit, Andi Marku, ka konfirmuar se nuk ka asnjë problem dhe se puna vijon normalisht në port.
Nuk raportohet për të lënduar dhe nuk ka dëme të mëdha materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
