Tre persona janë vënë në prangat e policisë së Kamzës, të akuzuar për shpërndarje droge në doza.
Efektivët e komisariatit Nr. 5, bazuar në informacionet e siguruara përmes inteligjencës informative, për një rast të shitjes së dozave të lëndëve narkotike, kanë organizuar punën për kapjen e autorëve të rastit.
Si rezultat i punës hetimore dhe i veprimeve të shpejta operacionale, u kapën në flagrancë ndërkohë që qarkullonin me automjet, në bulevardin “Nënë Tereza”, Kamëz, dhe u arrestuan E. H., 25 vjeç, I. H., 25 vjeç dhe S. M., 25 vjeç, të tre banues në Kamëz.
Gjatë kontrollit fizik ndaj këtyre tre shtetasve, kontrollit të automjetit dhe kontrollit në banesën e shtetasit E. H., u gjetën dhe sekuestruan doza të lëndës narkotike kanabis, gati për shitje, dhe një sasi municioni luftarak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
