Një shtetas shqiptar është plagosur me thikëë pas një sherri me një shtetas Italian në qytetin Rivoltella di Desenzano, në Itali. Sipas mediave italiane, autori dyshohet se është një 50-vjeçar, person me precedent penal. Sherri ndodhi jashtë një lokali për motive banale. Pas konfliktit verbal, autori nxorri thikë dhe goditi 47-vjeçarin shqiptar.
Thika kishte prekur arterien në krahun e majtë. Për fat të mirë, në vendngjarje ishte i pranishëm edhe një mjek, i cili ndërhyri menjëherë duke bërë të mundur bllokimin e gjakderdhjes së shqiptarit, deri sa aty mbërriti helikopteri i urgjencës dhe e transportoi 47-vjeçarin në spitalin e Breshias.
Ndërsa autori u largua nga vendngjarja dhe u arrestua disa orë më vonë. Ai ishte fshehur në banesën e një çifti me të cilët kishte njohje. Këta të fundit u proceduan penalisht në gjendje të lirë për përkrahjen e autorit të krimit. 50-vjeçari italian akuzohet për vrasje të mbetur në tentativë. Atij iu sekuestrua edhe thika me të cilën dyshohet se ka kryer krimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
