Autoritetet italiane kanë vënë në pranga një 35-vjeçar shqiptar, pasi është kapur me pesë kilogramë kokainë. Sipas mediave italiane, arrestimi i 35-vjeçarit është bërë në zonën e Leço-s ku ishte duke udhëtuar me një furgon frigoriferik.
Në deklaratën e policisë, thuhet se shqiptari ishte duke udhëtuar me një furgon bosh dhe kjo gjë bëri që uniformat blu të dyshonin. Pasi kontrolluan mjetin policia pikasi pakot e kokainës të cilat ishin të mbështjella dhe mbanin një shënim ku shkruhej “LAMBO”.
Autoritetet vendase nuk kanë bërë me dije identitetin e shqiptarit pasi hetimet janë duke vijuar për zbulimin e këtij rrjeti të lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
