Një person i shpallur në kërkim nga drejtësia italiane është arrestuar nga policia e Durrësit me qëllim ekstradimi.
Burime policore bëjnë me dije se në pranga është vënë 41-vjeçari Adrian Kacmoli.
Arrestimi i tij u bë pasi Gjykata e Venecias/Itali e ka dënuar me 9 vjet e 3 muaj burg, për veprën penale “Shkelje e ligjit mbi narkotikët”, parashikuar nga Kodi Penal italian.
Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejt Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
