Dy të rinjë nga Kosova janë arrestuar ditën e sotme në Durrës, pasi akuzohen për falsifikim dokumentash.
Mësohet se shtetasit H., 29 vjeç dhe B. P., 19 vjeç, të dy banues në Kosovë, u kapën nga shërbimet e Policisë, duke tentuar të kalonin kufirin, me dokumente të dyshuara të falsifikuara.
“Specialistët për Hetimin e Krimit Ekonomiko-Financiar në DVP Durrës arrestuan në flagrancë për veprat penale "Falsifikimi i dokumenteve" dhe "Falsifikimi i letërnjoftimeve, i pasaportave ose i vizave", shtetasit M. H., 29 vjeç dhe B. P., 19 vjeç, të dy banues në Kosovë, pasi u kapën nga shërbimet e Policisë, në PKK Port Durrës, duke tentuar të kalonin kufirin, me dokumente të dyshuara të falsifikuara.” - njofton policia.
Materialet i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
