Zbulohen mbi 4000 bimë kanabis në Shkodër, nën hetim pesë kryetarë fshatrash

Mbi 4000 bimë narkotike kanabis sativa dhe 510 gramë të kësaj lënde në formën e boçes, u zbuluan në Shkodër duke proceduar penalisht pesë kryetarë fshatrash, për veprën penale “Shpërdorimi i detyrës”. 

Në vijim të operacionit policor të koduar “Koordinata”, me qëllim goditjen e rasteve të kultivimit të bimëve narkotike, në territoret e njësive administrative Pult, Ana e Malit, Shosh dhe Shalë, nisi procedimi në gjendje të lirë: 

-për veprën penale “Shpërdorimi i detyrës”, për kryetarin e fshatit Nënmavriq, shtetasin L. L.; kryetarin e fshatit Leknikaj, shtetasin K. K.; kryetarin e fshatit Kuje, shtetasin D. V.; kryetarin e fshatit Vuksanaj, shtetasin K. Gj.;

-për veprat penale “Shpërdorimi i detyrës” dhe “Moskallëzimi i krimit”, për kryetarin e fshatit Palaj, shtetasin K. K.. 

Aktualisht vijon puna për identifikimin, kapjen dhe vënien përpara përgjegjësisë penale të autorëve të kultivimit të bimëve narkotike.