Tri vite burg dhe 155 mijë euro është dënuar nga gjykata një 41-vjeçar nga Kosova, pasi akuzohet për ndihmë të emigrantëve të paligjshëm.
Sipas mediave vendase, 41-vjeçari, i cili kishte një kompani ndërtimi në Vorarlberg, Austri për vite më radhë keqpërdori dhe shfrytëzoi punëtorët duke i sjellë nga jashtë dhe paguar me një pagë mjaft të ulët.
Zyra e prokurorit publik supozon se më shumë se 100 persona kanë punuar me një pagë të ulët në kompaninë e kosovarit, për shtruarje të hekurit, veprimtari kjo në të cilën kushtet e punës kritikohen vazhdimisht.
Punëtorët pranonin kushtet e tij, pasi ishin të varur nga ai, sepse nuk kishin shkollim adekuat dhe as kontakte shoqërore me persona të tjerë në Vorarlberg.
Gjithashtu atij i ngarkohet edhe akuza se në mënyrë ilegale dhe pa letra kishte sjellë tri kushërinj të tij. I pandehuri mori dënimin prej tri vitesh burg, si dhe duhet të paguajë një pjesë të parave që nuk ua kishte dhënë punëtorëve të tij, rreth 155 mijë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
