Policia e Lezhës ka arrestuar një 36-vjeçar me iniciale A. P. pasi, pas një konflikti me një 55-vjeçar, e ka dhunuar fizikisht si dhe i ka dëmtuar edhe automjetin. I dëmtuari ndodhet në spital nën kujdesin mjekësor, jashtë rrezikut për jetën.
Po ashtu ka nisur procedimi penal për 44-vjeçarin me iniciale F. Ll., pasi u kap duke transportuar veshje të firmave të ndryshme, pa deklaratat e origjinave si dhe pa fatura tatimore përkatëse. Në cilësinë e provës materiale u sekuestruan 1563 artikuj veshje sportive me vlerë totale rreth 2 000 000 lekë,
Njoftimi: Drejtoria Vendore e Policisë Lezhë
Goditet një rast i shkeljes së pronësisë industriale për shkak se transportonte veshje të firmave të ndryshme, pa deklaratat e origjinave si dhe pa fatura tatimore përkatëse.
Sekuestrohen 1563 artikuj veshje sportive me vlerë totale rreth 2 000 000 lekë, proçedohet penalisht poseduesi i tyre.
Gjithashtu, vihet në pranga edhe një 36-vjeçar, pasi, pas një konflikti me një 55-vjeçar, e ka dhunuar fizikisht si dhe i ka dëmtuar edhe automjetin.
Specialistët e Seksionit për Hetimin e Krimeve Ekonomike-Financiare kanë referuar materialet hetimore në Prokurori për fillimin e procedimit penal ndaj shtetasit F. Ll., 44 vjeç, banues në Tiranë, për veprat penale "Shkelja e të drejtave të pronësisë industriale", "Fshehja e të ardhurave" dhe "Mospagim i taksave dhe tatimeve".
Ky shtetas, në fshatin Rrasfik, Mirditë, në rrugë, është konstatuar dhe ndaluar nga shërbimet e Policisë me automjetin e tij tip "Benz", ku pas kontrollit të mjetit iu gjetën 1563 pako me veshje të firmave të ndryshme, për të cilat nuk dispononte asnjë dokument mbi origjinën e tyre si dhe as faturë tatimore përkatëse. Vlera totale e mallrave të sekuestruar është rreth 2 000 000 lekë të reja.
Gjithashtu, nga specialistët e Seksionit për Hetimin e Krimeve në Komisariatin e Policisë Lezhë, u arrestua në flagrancë shtetasi A. P. 36 vjeç, banues në Spiten, Lezhë për veprat penale "Plagosje e rëndë me dashje" dhe "Shkatërrim prone".
Ky shtetas, në hyrje të fshatit Spiten, për shkak të një konflikti që ka pasur me shtetasin Gj. S. 55 vjeç, banues po në fshatin Spiten, Lezhë, në momentin që janë shkëmbyer të dy në rrugë me automjete, me qëllim i ka goditur mjetin 55-vjeçarit, si dhe më pas ka dalë nga makina duke e dhunuar fizikisht.
I dëmtuari ndodhet në spital nën kujdesin mjekësor, jashtë rrezikut për jetën.
Materialet procedurale iu referuan Prokurorisë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
