Të shtëna me armë në Durrës, plagoset djali i policit

Disa të shtëna janë dëgjuar mbrëmjen e sotme në qytetin e Durrësit ndërsa raportohet për dy të plagosur.

Mësohet se ngjarja ka ndodhur në lagjën Nr.5 ndërkohë që përplasja mendohet të ketë ndodhur mes dy grupe të rinjsh.

Sipas të dhënave paraprake bëhet e ditur se i plagosur ka mbetur A.Skanja, djali i një polici. 29-vjeçari është dërguar me urgjencë në Spitalin e Traumës në Tiranë. Ndërkohë identiteti i personit të dytë që ka mbetur i lënduar, nuk bëhet i ditur ende.

Skonja njihet si person me precedentë penalë të mëparshëm dhe dyshohet për një tentativë vrasjese me pagesë kohë më parë.