Një person i cili mbante armë zjarri pistoletë, armë sportive dhe doza kanabisi është vënë në prangat e policisë së Vlorës.
Si rezultat i administrimit të menjëhershëm të inteligjencës policore, të siguruar në vijim të megaoperacionit “Sundimi i ligjit”, se një shtetas mbante armë dhe lëndë narkotike, në banesën e tij, në lagjen “Pavarësia”, shërbimet e Forcës së Posaçme “Shqiponja” dhe të Seksionit për Hetimin e Narkotikëve, të DVP Vlorë, organizuan dhe finalizuan operacionin policor të koduar “Strike 17”, gjatë të cilit u arrestua në flagrancë shtetasi R. B., 24 vjeç, banues në Vlorë.
Nga kontrollet në banesën e këtij shtetasi, shërbimet e policisë gjetën dhe sekuestruan në cilësinë e provës materiale 1 armë zjarri pistoletë, një armë sportive, municion luftarak për to dhe doza të lëndës narkotike kanabis sativa.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
